28 Мар 2009 | Медениет ве санат
Бизим Къырымтатар санат музейи ичюн эр бир янъы экспонат - миллий вариетимизнинъ дегерли бир парчачыгъыдыр. Бунынъ ичюн музейимизге бир де-бир шейни багъышлагъан семетдешлеримизге чокътан-чокъ миннетдармыз.
Акъмесджитте яшагъан шаире Альяна Османова бу куньлерде музейимизге эки къыйметли шей багъышлады. Биринджиси - тюш табиридир. Къырымтатар тилинде, амма арап уруфатында чыкъкъан бу китапчыкънынъ саифелери ипранса да, бойле нешир музейимизнинъ айрыджа дикъкъаткъа ляйыкъ экспонатларындан бирисине чевириледжегине эминим. Экинджи бахшыш исе - эски дегирмендир. Бу эки шей Альяна ханымгъа рахметли анасы, буюк-мускомиялы Зера Ибраимден къалгъан. О, эски заманларда Акъяр тарафында белли Мырза Аметнинъ сюлялесинден ола.
Урьметли Альяна ханымгъа музейге япкъан бахшышлары ичюн тешеккюр бильдирип, эйиликлери Алладан къайтмасыны тилеймиз.
Айше Меметова,
Къырымтатар санат музейининъ хадими
Фикирлер →
Фикирлеринизи языныз